Սևակ Բերդ(Բայրամյան)

Առաջին հանդիպմանը ինչ գույնի հագուստով ներկայանալ

Շատերը կարող են նշել, որ կարևոր չէ հագուստի գույնը, գլխավորը` այն ձեզ դուր գա և հարմար զգաք նրա մեջ: Սակայն հոգեբանները այլ կարծիքի են: Հայտնի է, որ կարմիր գույնը գրավում է տղամարդկանց: Իսկ ինչ են ասում մյուս գույները: Կան գույներ կամ երանգենր, որոնք ձգում են տղամարդկանց նույնիսկ հեռավորության վրա: Իսկ կան գույներ, որոնք պարզապես վանում են:
Կարմիր գույնը հագուստում: Սա ամենավառ  գույն է և մեծ ազդեցություն է թողնում մարդու վրա: Եթե այդ հագուստով ներկայանաք ձեր ընկերոջը, կարծես ասում եք. <<Ահա և ես>>: Ինչքան վառ է կարմիրի երանգը, այնքան ավելի համարձակ է ասելիքը:

Նարնջագույնը հագուստում: Այս գույնը հույսի, ցանկության և գրավչության խորհրդանիշ է: Այս գույնի հագուստը ձեր ընկերոջը կասի, <<Ես չեմ կարող լռել, երբ խոսքը վերաբերում է կրքին>>:

Կանաչ գույնը հագուստում: Կանաչի բոլոր երանգները խոսում են մարդու էներգետիկայի, կենսունակության և վճռականության և նպատակասլացության մասին: Այդ գույնի հագուստը ձեր ընկերոջը կասի, որ դուք լավ և պարկեշտ անձնավորություն եք, ովքեր սխալներ շատ քիչ են թույլ տալիս:

Կապույտը հագուստում: Սա այնքան էլ այն գույնը չէ, որ կարելի է հագնել առաջին հանդիպմանը, քանի որ այն ոչ բոլորին է սազում: Սակայն նա իդեալական է նրանց համար, ում իսկապես սազում է: Այս գույնը կասի, որ դուք սիրում եք ճշմարտություն յուրաքանչյուր հարաբերության մեջ: Ձեր ընկերոջը այս գույնը կասի, որ դուք նախ ցանկանում եք ճանաչել միմյանց ավելի լավ,  նոր միայն տրվել զգացմուքներին:

Մանուշակագույնը հագուստում: Այն խորհրդանշում է հաջողություններ անցյալում: Այս գույնը հագնում են ռոմանտիկ և ամաչկոտ մարդիկ:

Սև գույնը հագուստում: Այս գույնը գեղեցիկ է ոչ միան առանձին, այլ նաև մյուս գույների համադրությամբ: Այս գույնի հագուստը ձեր ընկերոջը կասի, որ դուք խորհրդավոր, առեղծվածային և փոքր ինչ վտանագավոր անձնավորություն եք:

Իսկ ինչ գույնի հագուստով խորհուրդ չի տրվում գնալ առաջին  հանդիպմանը:

Դեղին գույնը հագուստում: Այս գույնը խորհրդանշում է ինտուիցիա և իմաստնություն, սակայն կարող է ձեր ընկերոջը ասել, որ դուք տրամադրված եք միայն բարեկամության:

Սպիտակը հագուստում: Այս գույնը հարսանեկան գույն է: Սա նաև անաղարտության և մաքրության գույն է, և այս գույնի հագուստով ձեր ընկերոջը առաջին հանդիպմանը ներկայանալով` կարծես ցանակնում եք ասել. <<դու ինձ կարող ես ստանալ ծայրահեղ դեպքում>>:

Վարդագույնը հագուստում: Այս գույնի հագուստը կասի ձեր մասին, որ դուք սիրում եք ռոմանտիկա և սիրախաղ: Նաև,  որ դուք հոգեպես հանգիստ եք:
Այժմ տեղյակ լինելով գույների նշանակությանը, կարող եք կողմնորոշվել և ճիշտ գույնի հագուստ ընտրել: